La vita è bella

"You can have roots and wings."

2010-01-31T12:38:00.000-08:00

Það er alltaf gott að getað vitnað í einhvern annan sér vitrari. Mér finnst þessi spakmæli mjög góð því maður getur víst verið með rætur og flogið.

En það er allt gott að frétta af mér. Var að syngja á tónleikum í gær. Við fluttu Petite Missa Solinelle eftir Rossini og söng ég sópran sólóin og kórinn var Bach kórinn í Nijmegen, mjög fínn kór. Við vorum öll sólistar úr skólanum og þar á meðal hann elsku Stefán. Það gekk rosalega vel og ég er mjög ánægð með þetta. Man ekki mikið eftir tónleikunum en það er víst best þegar það er þannig. Svo byrjar skólinn með reglulegri kennslu á morgun. Kammerkórinn er byrjaður að æfa Dallapiccola óperuna sem við erum að fara að taka þátt í í mars í hollensku óperunni. Þetta er mjög spennandi og krefjandi verkefin og ekki skemmir fyrir að komast með litlu tána inn í óperuna!

Ég er ótrúlega vel stefnd fyrir framhaldið og hlakka mikið til að vitna í fleiri spekinga og að segja ykkur hvernig lífið gengur hérna hjá mér á háaloftinu í Amsterdam.

Þangað til næst!

Ykkar Þórunn Vala

Gleðileg jól

2009-12-24T03:51:00.001-08:00

Megi guð gefa ykkur, elsku vinir, gleðileg jól
og yndislegt nýtt ár.

Með fullt af nýjum ævintýrum og stórum sigrum.
Björtum tímum og gleði í hjarta.
Takk fyrir að fylgjast með mér á árinu.
Ástarkveðjur
Ykkar Þórunn Vala

allt og ekkert

2009-11-22T08:07:00.000-08:00

Mér finnst sunnudagar yndislegir dagar. Það er eitt af því besta sem ég veit að vera bara heima á sunnudegi, fá mér kaffi og ristað brauð. Baka kannski pönnukökur og kveikja á kerti. Þessi sunnudagur er búinn að vera yndislegur. Lottie kom í heimsókn og við vorum að spila víólu dúetta. Það var alveg dásamlegt, við erum nú ekki þær bestu en við komumst í gegnum þetta. Held að það hafi verið mjög skondið að vera fluga á vegg. Við erum að fara að spila fyrir hinar stelpurnar í bekknum á þriðjudaginn en þá ætlar hún að hafa svona söng dag heima hjá sér.

Annars gengur lífið sinn vana gang og er Erla hérna í heimsókn hjá mér. Alltaf skemmtilegt að fá gesti og gera svona ferðamanna hluti. Góð afsökun til að fara út að borða og svona. Það er komin mikil jólastemming í mig enda nóvember næstum á enda. Ætla að fara að hlusta á jólalögin að fullum kraftir á þriðjudaginn á afmælinu hennar Gróu.
Skólinn gengur vel og ég er ótrúlega ánægð með allt saman en á örugglega eftir að segja þetta í hverju einasta bloggi fram að jólum. Ég hlakka órúlega mikið til að koma heim!
Ástarkveðjur
Ykkar Þórunn Vala

Skemmtilegir tímar!

2009-11-14T07:26:00.000-08:00

Loksins frí helgi og ég get bara slakað á heima hjá mér. Lífið er yndislegt. Halldóra fór á fimmtudaginn og það var yndislegt að hafa hana hérna hjá mér. Ég var líka svo heppin að hún var með myndavél svo ég get loksins setti inn nokkrar myndir frá lífinu hérna í Amsterdam og ætla að láta þær tala sínu máli.

Auðvitað fórum við vinkonurnar nokkrum sinnum á kaffihús!

Matur á Sluisstraat, alltaf jafn eðlilegt fólk! Og svo er mynd af mér og herberginu mínu (jólaserían komin upp)

...Og fleiri kaffihúsaferðir með fríðu föruneyti, Elmari og Eyva!

Ein mynd frá Yo opera æfingu fær að fylgja. Æfingarnar voru mjög snemma á laugardags og sunnudags morgnum og því þurfti mikið kaffi og langar pásur!

Svo koma hér tvær myndir í lokin síðan á Garðtónleikunum í haust í Belgíu.

Lottó auglýsing!

2009-11-11T14:39:00.000-08:00

Var held ég búin að tilkynna það hér að hafa verið að syngja inn á auglýsingu og hún er loksins komin. Læt linkinn fylgja með. Annars er allt gott að frétta. Engar fréttir góðar fréttir. Kem með myndir frá ævintýri okkar Halldóru í Amsterdam sem fyrst!

Kossar og knús

http://www.creatie.nl/creatie/select/expression/49902.do

"Rationality makes you sleepy"

2009-11-06T16:02:00.000-08:00

Hér er gagnrýni sem Eyvi skrifaði um sýninguna okkar í Yo Opera. Takk fyrir falleg orð!

Örópera gærkvöldsins að viðstöddu fjölmenni og sjálfum borgarstjóra Utrecht á mikið erindi við okkur frjálshyggjuviltan lýðinn. Ómstríð hljómasambönd sóprans, mezzos, baritóns, altflautu og sellós minntu á þann óhugnalega vef örlaganornanna sem margar vestrænar þjóðir hafa flækst í undanfarin misseri. Hvað er fallið annað en hátt og hart eftir syndasund græðginnar!? Stigagangur félagsmiðstövar Utrecht var hugvitsamlega nýttur sem umgjörð fyrir síðustu andadrætti veðbréfabraskaranna tveggja, sungin af mezzo og baríton. Þau hölluðu sér fram af handriðunum með skemmtilegum víratilfæringum á jakkafötunum með þeim árangri að manni fannst þau vera í frjálsu falli. Á gólfinu fyrir neðan var sakleysisleg yngismey í ljósbláum silkikjól sem hafði hlotið sömu örlög og biðu braskaranna. Ljóst sítt hárið hafði flyksast í allar áttir og hún lá þarna í feygð sinni eins og sakleysið og fegurðin sjálf, myrt af ofurhugsjónum nútímans. Stúlkan, sem sungin var af sópran, gekk aftur og söng draugkenndar strófur til fallandi jakafataplebbanna. Óp, viðskiptaleg gildismöt færð í tóna og hvassir og draumkenndir tónar sellósins og altflautunnar gáfu okkur innsýn inn í heim sem flestum er ókunnugur en hefur áhrif á okkur flest.
Bestu þakkir fyrir frábæran performans.

2009-10-31T07:37:00.000-07:00

Mynd sem hann yndislegi Ivan minn tók í gær á tónleikunum! Ég var ekkert smá ánægð með kvintettinn minn þau eru frábær og ætlum við að halda áfram að vinna saman í framtíðinni, mjög spennandi!

2009-10-28T11:28:00.001-07:00

"There was once a PIG. He was an ordinary Pig in all ways. But one thing did SET him APART. This thing was his DISTASTE for the MUMBLING and GRUMBLING that is the NATURAL Way with pigs. "I know" ... thought the pig. I shall become an EXTRAORDINARY Pig! I shall see the best in everyone and the best in everything. I shall become THE PIG of HAPPINESS! "

Ég elska þessa bók. Mér finnst að hún eigi að vera til á hverju einasta heimili. Það er svo fallegur boðskapur í þessu öllu saman. Auðvitað veit maður þetta vel en svínið gerir þetta svo skemmtilegt. Allavega, ekkert sérstakt að frétta. Bara sama gamla sagan, æfingar, skóli og vinna. Helgin var algjörlega undirlögð af Yo opera og þetta er allt að smella saman og mjög skemmtilegt! Svo eru stelpurnar komnar og ég sé þær á morgun, það verður yndislegt. Ég hlakka mikið til tónleikanna á föstudaginn, þeir verða örugglega mjög flottir.
Læt vita hvernig fer.
Ástarkveðjur
Tósla pósla

gaman að vera til!

2009-10-22T14:36:00.000-07:00

Jæja allt að gerast! Er búin að taka ákvörðun að vera ekki ein af þessum manneskjum sem eru alltaf að tala um hvað þær eru uppteknar! Geta bara ekki gert neitt af því að það er svo mikið að gera. Hef svolítið orðið vör við þetta hérna í Hollandi og held að það sé líka af því að það þarf alltaf að ákveða allt með svo miklum fyrirvara. Það er alls ekki hægt að vera spontanious. En það er samt nóg að gera hjá mér og ég elska það. Líður aldrei betur en þegar ég hef nóg að gera. Er að fara ð taka þátt í óperuhátíð sem heitir Yo Opera og er ég að taka þátt í nútímaóperu um " the Financial crisis" mjög viðeigandi að vera Íslendingur í þessu hlutverki en ég er samviska bankamannsins. Finnst þetta mjög fyndið. Þetta verður bara mjög skemmtilegt. Það er allt á fullu við undirbúning fyrir tónleikana í næstu viku og það gengur bara vel. Og svo er ég að fá góða gesti því Halldóra og Hildur koma í næstu viku og svo kemur hann Eyvi minn þann 1. nóv, þvílík veisla af góðu fólki!

Annars gengur bara allt vel. Ég er farin að finna fyrir því að haustið er komið og svo breytist klukkan á sunnudaginn og þá kemur skammdegið en þa´kveiki ég bara á kertum og hef það kósi!
Læt vita hvað það er mikið að gera næst!
Kusjes een knuffel!

Ef ástin væri..

2009-10-13T04:35:00.000-07:00

...leyndarmál þá væri ég fleygur fugl. Ætla reyndar ekki að segja ykkur að ég sé ástfangin en bara að mér líður vel. Var loksins að flytja hjólið mitt til Amsterdam og er farin að hjóla aftur. Það er aðeins öðruvísi en í Utrecht enda pínulítið stærri borg. Er ótrúlega glöð að vera loksins búin að þessu, því fyrr því betra. Svo er bara að villast aðeins og þá er þetta komið. Það er svo gott þegar maður finnur að nýr staður er orðinn heima og ég er búin að finna þessa tilfinningu hérna á Sluistraat. Hef ekki fundið þessa tilfinningu síðan ég bjó á Vesturgötunni þó svo að auðvitað er Foldasmárinn alltaf heima en samt heima hjá mömmu og pabba. Allar þessar tilfinningar, jeminn!!!
Ég átti yndiselga helgi, Nonni átti afmæli á sunnudaginn og ég var að baka allan laugardaginn. Get ekki neitað því að mér þyki þetta ekki skemmtilegt. Það er ótúlega góð tilfinning að baka og hugsa ekki um neitt, tæma hugann. Svo komu múgur og margmenni í boðið og þetta bara eins og á sveitabæ með upprúlluðum pönnukökum og fíneríi!
Svo er bara að takast á við vikuna og fyrstu æfingna á Messien á föstudaginn, hlakka mikið til en þetta er algjört torf. Verð að viðurkenna að ég hefði ekki valið þetta sjálf en þetta er ótúlega mikil áskorun. Sjáum hvað gerist.
Set inn tilvitnun í Heimsljós svona af því að ég vara að tala um sveitabæinn!

"Í þessu hvítskúraða eldhúsi með opnum glugga
sínum bjó í senn einhver almennur virðuleiki og ópersónulegur hlýleiki,
sem gerði mann sælan í miðju andstreymi lífsins og sorg. Hinir
vingjarnlegu rósóttu diskar í rekknum, þvaran á veggnum, bláköflótta
gluggablæan, prjónarnir konunnar í gluggakistunni, volgran frá
eldavélinni, kisa, ángan af kaffi, túnglsljósið, sjórinn, - þetta var
kanski ekki margra króna virði ef átti að selja það, en alt um það, það var veröldin einsog hún er fegurst og best."
Heimsljós - Höll sumarlandsins, 20. kafli

Elsdhúsin eru alltaf hjarta heimilisins. yndislegt hvað hversdagleikinn getur verið fallegur.

Nýtt blogg, nýtt líf, ný borg.

2009-10-07T13:09:00.000-07:00

Ég er komin aftur. Hef ákveðið að halda áfram að blogga. Það er svo ótrúlega gott að skrifa niður hugsanir sínar svona öðru hvoru og auðvitað láta alla vita hvernig gengur í stórborginni. En ég er semsagt flutt til Amsterdam og er því orðin stórborgardama enn á ný. Upplifði meira að segja Sex and the city augnablik í síðustu viku. Svaf næstum því yfir mig og hljóp út til að ná trammanum niðrá Centraal til að fara í söngtíma í Purmerend en það var trukkur á götunni og tarmminn reyndi að komast framhjá en því miður skrapaði alla hliðina á bílum, úps! Bílstjórinn var ekki glaður. Og hvað átti ég þá að gera, allavega ekki í boði að koma of seint í söngtíma svo ég bara steig út á götu og veifaði leigubíl í bleiku kápunni minn á háu hælunum. Ég legg þetta nú ekki í vana minn en þegar neyðin er sem mest ... alltaf sama dramatíkin í mér!

Það er allt gott að frétta af mér. Ég er búin að koma mér mjög vel fyrir í Jónshúsi og skólinn kominn á fullt. Ég er að vinna mikið í skólanum og svo eru farin að detta inn nokkur verkefni svona að öðru hvoru sem er alveg frábært. Mér er farið að líða eins og ég lifi "eðlilegu" lífi hérna. Ekki bara skólinn sem er svo verndað umhverfi en auðvitað miklar kröfur. Núna erum við að byrja á kammermúsik verkefni og er ég að flytja undurfagurt verk eftir Chausson, læt linkinn fylgja fyrir þá sem vilja hlusta :

http://www.youtube.com/watch?v=d2sJwkKmuYs&feature=related

Það eru svo tónleikar 30. okt og hlakka ég rosalega mikið til. Er líka að taka þátt í Messien verkefni og stjórnandi Nederlands kammerkoor kemur að hlusta svo hver veit hvað gerist. Söngtímarnir ganga rosalega vel og aukafögin eru líka skemmtileg. Mikið af tungumálum og skemmtilegum áföngum en verð nú að viðurkenna að analysis er ekki mitt uppáhaldsfag en ég læt mig hafa það. Er svo byrjuð að lesa nýja bók og það er svo flott tilvitnun í upphafi sem ég læt fylgja með.

" For yesterday is but a dream,

And tomorrow is only a vision;

But today well lived.

Makes every yesterday a dream of happiness,

And every tomorrow a vision of hope.

Look well therefore, to this day. "

Ætla að hafa þennan texta sem mottóið mitt!
Hlakka til að halda áfram að segja ykkur frá ævintýrum mínum í Hollandi!
Þangað til næst.

Ykkar Þórunn